Ақордада елімізге мемлекеттік сапармен келген Әзербайжан президентін ресми қарсы алу рәсімі өтті. Бұл туралы Қазақстан президентінің баспасөз қызметіне сілтеме жасаған KAZ.NUR.KZ хабарлайды.

Ақорданың мәліметінше, алдымен Қасым-Жомарт Тоқаев пен Ильхам Әлиев бір-біріне ресми делегация мүшелерін таныстырған.

Бұдан соң құрмет қарауылы ротасының бастығы мемлекеттер басшыларына рапорт беріп, кейін екі елдің әнұрандары орындалған.

Естеріңізге сала кетейік, кеше Әзербайжан президенті Қазақстанға мемлекеттік сапармен келді. Мәртебелі мейманды Қасым-Жомарт Тоқаев Астана әуежайынан күтіп алды.

Ильхам Әлиевтің Қазақстанға сапары аясында президенттер келіссөз жүргізіп, Қазақстан мен Әзербайжан Жоғары мемлекетаралық кеңесінің екінші отырысын өткізеді.

Мәтіннен қате тапсаңыз, бізге жазыңыз