0:00:00

Жаңалықтарды Telegram арнамыздан оқыңыз!

Көлік жуатын орталықтар лас суды тазартып қайта пайдалануға міндеттелмек. Бұл өндіріс пен құрылыс салаларына да қатысты. Мәжіліс бүгін екінші оқылымды бекіткен Су кодексі жобасында бұл талап көрсетілген. Оның негізінде 2 жылдың ішінде суды қайта пайдалану жоспарын енгізу бар. Жаңа құрылғыларды орнатып, жоспарды жүзеге асыруға тағы 4 жыл уақыт беріледі. Жалпы Су кодексі еліміздің су әлеуетін сақтау және су ресурстарын ұтымды пайдалану мақсатында жасалған. Құжатты әзірлеу барысында халықаралық тәжірибе де ескерілген.

Болат Бекнияз, ҚР Су ресурстары және ирригация министрінің бірінші орынбасары:

Кодекске экологиялық ағын деген термин енгізіледі. Экологический сток. Содан қалған суды өндіріске басқаға пайдалануға болады. Ол бірінші. Екінші, суды үнемдеу. Тағы да Ұлттық гидрологиялық қызмет құралды. Олар жер асты суын зерттеу, пайдалану... Өздеріңіз білесіздер жер асты сулары тек ауыз суға ғана пайдаланады бізді. Бірақ жер асты суын суғармалы жерлерге де пайдалану керек.

Судың үнемделуін және қайта пайланылуын бассейндік инспекция қадағалайды. Онда жұмыс істейтіндер саны 98-ден 242 адамға дейін көбейтілген. Айта кету керек, жаңа Су кодексі 121 баптан, 14 тараудан және 6 бөлімнен тұрады.

Нұрсұлтан Тілектес