0:00:00

Жаңалықтарды Telegram арнамыздан оқыңыз!

Ыстанбұл қаласында қазақтың салт дәстүрлері таныстырылып, ән күйі шырқалған ерекше кеш өтті. Рамазан айының құрметіне ұйымдастырылған концертте Түркияда оқитын қазақ студенттері өнерлерін ортаға салып, жиналған көрерменді тәнті етті.

Мерей Мұқажан, Түркі мемлекеттері ұйымы бас хатшысының орынбасары:

Осы кеште өзім бұрын білмеген билер мен әндерді де тыңдадым Қазақстанда естімеген. Соған өзім тәнті болып керемет әсердемін. Мұнда бауырларымыз, қарындастарымыз, ағаларымыз, осы жақта тұрып жатқан қазақ қандастарымызды да көру жүрекке жылы сезімдерді таратты. Өзім дән ризамын.

Жанымхан Жанахмет, Түркиядағы «Қазақдер» қоғамдық қорының жетекшісі:

Бұл шараның мақсаты осы Түркияда, Ыстанбұлда 20 млн адамға Қазақстанымыздың дәстүрлерін, жерлерін таныту мақсатында ұйымдастырылған еді. Қазақстаннан келген студент жастармен бірге осы жердегі дисапора жастырымен бірге үлкен бір шара өткіздік. Мыңдаған адам қатысты мақсатына жетті деп ойлаймыз. Керемет күшті бір кеш болды.

Ыстанбұлдың Бағжылар шағын ауданы Түркиядағы қазақтар көп шоғырланған мекен. Жыл сайын Рамазан айында аудан әкімдігі қазақтарға ауызашар ұйымдастырып, түрлі кештер өткізіп тұрады.

Бүгін өте керемет Қазақстан кеші өтті. Қазақстан ата жұртымыз. Біздің жүрегімізде ерекше орын алады. Бағжыларда жылдар бойы мыңдаған қазақ бауырларымыз тұрады. Солардың құрметіне, қазақ мәдениетін өзгелерге таныстыру мақсатында осындай кеш ұйымдастырдық.

Мерекелік кеште қазақтың қыз ұзату, сырға салу, беташар сынды дәстүрлерімен қатар, арқан тарту, асық ату сияқты ұлттық ойындары да таныстырылды. Жастар ән салып, би биледі.

Әбдіраззақ Әуелбек, Сакарья қаласындағы студенттер ұйымының басшысы:

Біз Сакарья қаласынан келдік елу шақты студент болып. Екі аптадай дайындалдық. Кеш толығымен ойдағыдай өтті. Күткенімізден де көп адам келді. Осындай іс шаралар ұйымдастыру арқылы елімізді одан сайын танытып адамдардың қызығуына жол ашамыз.

Кешке Түркияда тұратын қазақтардан бөлек жергілікті тұрғындар да көп жиналды. Көрермендер әсерлі концерт ұйымдастырған жастарға алғыстарын білдірді.