Семейде жол қозғалысына кедергі келтірген жылқылардың иесі жауапқа тартылды, — деп хабарлайды Massaget.kz тілшісі .

18 наурызда Семей қаласында төрт жылқы көлік жүретін жолға шығып, жүргізушілер мен жаяу жүргіншілерге қауіп төндірген.

Бейнебақылау камералары арқылы жағдайды бақылаған полиция жедел әрекет етіп, оқиға орнына патрульдік және учаскелік инспекторларды жіберген.

ІІМ баспасөз қызметі

"Көп ұзамай жылқылардың иесі анықталды. Азаматқа мал жаю ережелерін бұзғаны үшін әкімшілік айыппұл салынып, ол 3 АЕК көлемінде айыппұл төлеуге міндеттелді.

Құрметті тұрғындар, малды арнайы белгіленген жайылымдарда ғана бағу керек. Бұл жол апаты мен басқа да келеңсіз жағдайлардың алдын алуға көмектеседі", — деп жазылған хабарламада.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!