Бұрын қазақстандықтар Өзбекстанға тек VISA немесе Masterсard карталарына ғана аударым жасай алатын.

Енді Kaspi.kz суперқосымшасында өзбек ұлттық төлем жүйелері – Uzcard және Humo карталарына да аударым жасауға болады.

Kaspi.kz басшысы және негізін қалаушылардың бірі Михаил Ломтадзе:

«Қазақстан мен Өзбекстан тұрғындарының арасында бұрыннан бері достық, туыстық, іскерлік және мәдени байланыстар қалыптасқан. Адамдар бір-біріне қонаққа және жұмыс бабымен барып тұрады, сондықтан төлемдер мен аударымдарды жасау қажеттілігі үнемі туындайды. Біздің сүйікті клиенттеріміз үшін біз жаңа қызметті – Uzcard және Humo ұлттық төлем жүйелерінің карталарына аударым жасау мүмкіндігін іске қостық. Бұл – Өзбекстанда ең көп таралған төлем карталары. Екі ел арасындағы достық пен ынтымақтастықты нығайтуға өз үлесімізді қосып жатқаныма қуаныштымыз!»

Аударымдар бұрынғыдан да ыңғайлы бола түсті. Тек карта нөмірін енгізу жеткілікті, ал алушының аты автоматты түрде көрсетіледі.

Uzcard және Humo карталарына аударымдар туралы толығырақ Kaspi Гид қызметінен оқи аласыз.

Kaspi.kz туралы

Kaspi.kz миссиясы – сүйікті клиенттері мен серіктестерінің өмірін жақсартатын инновациялық өнімдер мен қызметтер жасау. Инновациялық қызметтердің негізінде – 15 миллионға жуық қазақстандық қолданып, электронды коммерция, төлемдер мен қаржылық қызметтердің алдыңғы қатарлы сервистерін біріктіретін елдегі ең танымал мобильді суперқосымша Kaspi.kz тұр.

Kaspi.kz суперқосымшасының көмегімен қазақстандықтар тегін жеткізу арқылы онлайн тиімді сауда жасап, комиссиясыз төлемдер мен аударымдар жасайды, жеке қаражатын басқарады, әуе және теміржол билеттерін сатып алады, турларды рәсімдейді және ең танымал мемлекеттік қызметтерді пайдаланады.

Kaspi.kz бизнесті дамыту үшін Kaspi Pay суперқосымшасын жасады. Оны қазір 700 мыңға жуық қазақстандық кәсіпкер қолдануда. Kaspi Pay арқылы кәсіпкерлер бизнесін дамытуға қаржыландыру алады, төлем қабылдайды, жарнамалық науқандар жүргізеді, салық төлейді, электрондық коммерция және жеткізу платформаларына қосылып, өз тауарларын бүкіл ел аумағында сатады.

Гарвард бизнес мектебі Kaspi.kz туралы екі оқу материалын жазып шығарды, олар бірнеше жылдан бері магистратура студенттерінің оқу бағдарламасына енген.