6 наурызда Астана тұрғындарының телефонына "Президенттік құлақтандыру" және "Ұлттық құлақтандыру" деген белгілермен жаппай хабарлама келді, — деп хабарлайды Massaget.kz тілшісі.

"Ұлттық құлақтандыру. Уайымдамаңыз. Ескерту жүйесінің жұмысын тексеру", — деп жазылған хабарлама мәтінінде.

ТЖМ баспасөз қызметі ведомство бұл жүйені техникалық тексеруге бастамашы болмағанын хабарлады.

"ТЖМ Mac Alert жүйесін тексеру бойынша жүргізіліп жатқан техникалық жұмыстарға қатысы жоқ. ТЖМ Mac Alert платформасын бақылауды немесе басқаруды жүзеге асырмайтынын және оған техникалық қызмет көрсету, баптау немесе тестілеу үшін жауап бермейтінін қосымша хабарлаймыз", — деп жауап берді министрлік өкілдері.

Сондай-ақ, ТЖМ қазақстандықтарды сабырлы болуға және дүрбелеңге бой алдырмауға шақырды.

"ТЖ жағдайында шұғыл хабарламалар ТЖМ ресми арналары мен ұялы байланыс арқылы беріледі", — деп толықтырды ведомство өкілдері.

Instagram парақшамызға жазылып, ең қызықты ақпараттарды бірінші болып оқыңыз!