Жаңалықтарды Telegram арнамыздан оқыңыз !

«ҚР Ұлттық ғылым академиясы» республикалық қоғамдық бірлестігі таратылды. Бұл шешім қоғамдық бірлестіктің жалпы жиналысында көпшілік дауыспен қабылданды. Енді барлық ғалым Президент жанындағы Ұлттық ғылым академиясына шоғырланады. Жиынға қатысқан академиктер елдің ғылыми әлеуетін бір орталыққа біріктіруді қолдады. Бұл шешім Қазақстан Президенті жанындағы Ұлттық ғылым академиясының қызметіне ұқсас функциялардың қайталануын болдырмай, оны жаңа форматтағы бірегей әрі орнықты ғылыми орталық ретінде нығайтуға мүмкіндік береді. Еске сала кетейік, Ұлттық ғылым академиясы 2023 жылы құрылған. Сол кезден бастап ғылымды тұрақты қаржыландыру қамтамасыз етіліп, академиктерді әділ әрі ашық сайлау ісі жолға қойылған болатын.

Мұрат Жұрынов, академик, Мемлекеттік сыйлықтың лауреаты:

Бұл ғылымды қолдау және ғылымға бар саналы өмірін арнаған академиктерді қолдау деген сөз. Міне, қолдау тауып жатырмыз. Біз оған қуаныштымыз.

Кәрімбек Құрманалиев, ҚР Президенті жанындағы ҰҒА директорлар кеңесінің тәуелсіз директоры:

Бұл Президент тағайындаған өзінің жанындағы академияның әлеуетін көтереді. Былайша айтқанда аға буынның да, орта буынның да, кіші буынның да жалғастығын, дәстүр жалғастығын ғылымы дамыту жалғастығына бет алған тұс.

Қуан Нұрақын