Қазақстанда радиоактив қалдықтарды игеру жөніндегі жаңа заң жобасы әзірленеді .

Оның аясында ядролық қауіпсіздік саласына қатысты бірқатар түзетпе енгізу қарастырылған. Осыған байланысты Мәжіліс депутаттары Алматыдағы Ядролық физика институтына барып, заң жобасын әзірлеу тәсілдерін ғалымдармен талқылады.

Мәжіліс төрағасы Ерлан Қошановтың айтуынша, жаңа заңнамалық нормалар елде АЭС салу және атом саласын дамыту үшін барынша қолайлы жағдай жасауды көздейді. Бұл ретте МАГАТЭ-нің халықаралық талаптары ескеріледі. Жаңа заң жобасы қоғамдағы барлық фобияларды сейілтіп, қазақстандықтардың сұранысына жауап беруге тиіс, деді Мәжіліс спикері. Институт қызметкерлерімен АЭС үшін кадр даярлау, ядролық қалдықтарды қайта өңдеу, ядролық индустрия өнімдеріне жаңа стандарттар енгізу үшін қажетті жағдай жасау бойынша ұсыныс айтылды. Бұл ретте үздік шетелдік тәжірибелер ескеріледі.

Сергей Пономарев, ҚР Парламенті Мәжілісінің депутаты:

- Қазір ядролық қауіпсіздік туралы маңызды заң жобасы әзірленіп жатыр. Ядролық қауіпсіздік барлық бағытты қамтуға тиіс. Бастысы біздің атом станцияларымыз МАГАТЭ-ның талаптарына сай болуы керек. Халықаралық нормаларға сай келетін құжат қабылдануға тиіс. Оны депуттаттар мен ядролық физика мамандары, сарапшылар тобы талқылайды. Осы ядролық қауіпсіздік мәселелерін ғалымдармен бірге талқылау үшін Алматыға арнайы келдік.