Қазақстанның теннисшісі Дмитрий Попко Мексиканың Морелия қаласында өткен ATP Challenger 125 турнирінде топ жарды, деп хабарлайды Egemen.kz.

Әлемдік рейтингте 245 орынға тұрақтаған жерлесіміз финалда үздіктер тізімінде 95 сатыға жайғасқан Аустралияның өкілі Джеймс Даквортты ұтты. 1 сағат 47 минутқа созылған сайыс 1:6, 6:2, 6:4 есебімен аяқталды. Осы бәсеке барысында Попко сегіз эйс жасап, алты брейк-пойнттың үшеуін сәтті орындады.