Бурабайға келушілер саны 35 мыңнан 94 мыңға дейін ұлғайып , жеке инвестиция көлемі 22,7 млрд теңгеге жетеді.

Аймақтағы саяхат саласында 32,5 мың адам жұмыспен қамтылады. Үкімет Щучье-Бурабай курорттық аймағын дамыту жоспарын бекітті.

Премьер-министр Олжас Бектенов тиісті қаулыға қол қойды. Жоспар бойынша, демалыс орындары жаңғыртылады, жыл бойы жұмыс істейтін туристік нысандар салынады. Экологиялық және спорттық туризмді дамытуға мән беріледі. Атап айтқанда, Қатаркөл көлінің жанында балалар орталықтарын, спорттық-сауықтыру кешендерін және жыл бойы аквапарк ұйымдастыру қарастырылып отыр. Жүкей көлінің маңында кемпингтер, глемпингтер және жаңа туристік бағыттар ашылады, ал Кіші Шабақты көлінде жалға беру стансалары, қайық тұрағы, жағалау инфрақұрылымы мен жағажайлар болады. Бұл бағытқа 137,2 млрд теңге жұмсалады.