Бұл туралы Премьер-министрдің орынбасары — Ұлттық экономика министрі Серік Жұманғарин айтты, деп жазады Egemen.kz.

«15 блогер 1,5 млрд теңге аударып, бюджетке 75 млн теңге төледі. Бұл салық комитетінің қалай жұмыс істейтіндігінің үлгісі», деді С.Жұманғарин.

Оның айтуы бойынша, мемлекетке қарызы бар блогерлердің тізімі бар фотосуретті тарату арқылы салық комитеті «өз жұмысының кейбір аспектілерін ашқан». Мұндай хабарламалар ірі бизнес өкілдеріне де жіберілген.

Осыған дейін қазақстандық сегіз блогер өз еріктерімен 1,2 миллиард теңгеге жуық сомадағы табысын жариялағаны айтылған болатын. МКК-да хабарлағандай, инфлюенсерлер өз бетінше декларация беріп, бюджетке 70,6 миллион теңге көлемінде салық төлеген.

Осы сегіздікке қандай блогерлер кіргені және олардың кірістерін декларациялау қалай жүзеге асырылғаны туралы ақпарат анықталмаған.