Израильде Иранның түнгі шабуылынан қаза тапқан адам саны 5-ке жетті. Ал жараланғандар саны 90-нан асқан. Петах-Тиква қаласында зымыран тұрғын үйге құлаған. Сонымен бірге Хайфа порты жанындағы электр станциясында өрт тұтанды. Израильде шабуыл басталғалы бері 19 адам қаза тапқан. Израильдің қорғаныс министрлігі бұл үшін Иранға қарымта қайтаратынын мәлімдеді.

Ал Израиль әскері Тегерандағы «әл-Құдс» арнайы жасағының басқару орталықтарына соққы берген. Бұл нысандарда Израильге қарсы терактілер жоспарланған деп мәлімдеді. «Би-Би-Си»-дің мәлімдеуінше, Израильдің соңғы шабуылдары ядролық және әскери нысандарды ғана емес, үкіметтік ғимараттар мен энергетикалық нысандарды да қамтып отыр. Израиль Иранның жоғары шенді әскери басшыларына, физик-ғалымдарына, әскери және ядролық нысандарына қарсы кең ауқымды шабуылды өткен жұма күні бастады. Одан қаза тапқандар саны 224-ке жетіп, 1200-ден астам адам жараланған. Уран байыту әрекеті құпия ядролық қару жасау бағдарламасының бір бөлігі екенін жоққа шығарған Тегеран жауап ретінде Израильге жүздеген баллистикалық зымыран ұшырды.

Арай Төлегенқызы