Адам баласы үшін қауіпті дерт — қатерлі ісік. Өйткені бұл аурудың арты өлімге әкеледі. Жазылып кететіндер де сирек. Дегенмен обырмен күресте ғылым біраз жаңалық енгізді. Бірақ оны түбегейлі жеңуге әлі ерте. Өйткені ем-дом жүргізілгенмен науқастың бәрі ауруынан құлан-таза айығып кетпейді. Бірақ емдік технологиялар нәтижесіз де емес. Қатерлі ісіктің алғашқы сатысында дәрігерге көрінген адамдар қазір бала-шағасының ортасында беймарал ғұмыр кешіп жүр. Басым бөлігі ел қатарлы жұмыс істейді, тіпті спортпен айналысады.