Павлодардағы 67 адам астан уланған мейрамхана қожайынына айыппұл салынды, — деп хабарлайды Massaget.kz тілшісі "КТК" телеарнасына сілтеме жасап.

Телеарна мәліметінше, тазалық талабына сай келмейтін тойхана рұқсатсыз тағы да салтанатты кеш өткізген. Сондықтан мекеме иесіне 275 мың теңге көлемінде айыппұл салынды.

Өткен айда бұл мейрамхананың жұмыс істеуіне тыйым салынған. Себебі маусымда болған қыз ұзату тойында 45 адам астан уланған.

Ертесі күні осы тойханадан тамақ ішкен тағы 22 мейман ұшынып ауруханаға түсті. Науқастардан ішек инфекциясы анықталып, тойханада тексеріс басталды.

СЭС мамандары азық-түлік пен ыдыс-аяқтан сынама алып, зертханаға жіберген. Өйткені мейрамхана тиісті рұқсат қағазын алмай жұмыс істеген. Сондықтан есігіне құлып салынып, мөр басылған еді. Алайда заңды пысқырмаған мейрамхана иесі той жасауды тоқтатпаған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!