Руслан Берденовке оқ атқан айыпталушыға қатысты ашық сот отырысы өтті. Оған адам өлтіруге оқталды деген айып тағылған. Ернар Жиембай процесстің басынан өзін бұқаралық ақпарат беттерінде көрсетуге қырсы екендігін жеткізді. Сұрақ-жауап барысында айыпталушы кәнісін жартылай мойындады. Бірақ қасақана адам өлтіруге оқталды деген айыппен келіспеді. Айтуынша, ондай ойы да болмаған, тек қорқытқысы келген. Процессте күдікті әрекетіме қызметтік келіспеушілік емес, әйеліме деген қызғаныш себеп болды деп түсіндірді.

Әлжан Дінислам, мемлекеттік айыптаушы:

Е.Ж.Жиембай жарақаттанған Р.А.Берденовтің жерде құлап жатқан көріп, соңғының қасына жүгіріп барып, қолында болған 12 калибрлі сериялық нөмірі 00404298 «Сайга-12» маркалы аңшылық қаруымен бақылаулы (контрольный) оқ атуға іс-әрекет жасаған, алайда қарудың оқ жатарында оқ дәрілердің таусылуына байланысты бақылаулы оқ атуға мүмкіндігі болмаған. Осылайша Е.Ж.Жиембай Р.А.Берденовті өлтiру, яғни адамды құқыққа қарсы қасақана қазаға ұшырату қылмыстық іс-әрекетін өзіне байланысты емес мән-жайлармен ақырына дейiн жеткізе алмаған.

Ал жәбірленуші Руслан Берденов міндеттелген сот отырысына қатыспады. Бұл әрекетін ресми өкілі денсаулығына байланысты ауруханада ем-дом алып жатыр деп түсіндірді. Бұған дейін де мемлекеттік қызметші алдын ала тыңдау процесіне келмеген еді. Бірақ қала әкімінің орынбасары процессті онлайн бақылап отырмын деп бүгін әлеуметтік желіде жазба жариялады. Сондай-ақ сотталушының мәлімдемелерін үзілді-кесілді жоққа шығаратынын және мойындамайтынын жазды.

Жалпы, Шымкенттегі атышулы оқиға сәуірдің 21-і күні кешкі 9-дар шамасында орын алды. Айыптау актісінде «Тұрғын үй Шымкент» компаниясының басшысы қала әкімінің орынбасарына аңшылық қарудан 5 рет оқ атқан деп жазылған. Оң жақ кеуде тұсынан жарақат алған Руслан Берденовтің өміріне дәрігерлер араша түсіп, 4 сағаттық отадан кейін аман алып қалған.

Алдияр Айтбай