Астанада тұрғын үйдің пандусынан сырғанап түскен баланы көлік қағып кетті, — деп хабарлайды Massaget.kz тілшісі.

Оқиғаның видеосы Instagram желісінде пайда болды.

Бейнебақылау камераларынан алынған кадрларда бала сырғанап түсіп, тұрғын үйлер арасындағы жолға шығып кеткені және оны көлік қағып кеткені көрінеді.

Полиция департаменті өкілі оқиғаға қатысты пікір білдірді. Бұл жайт 10 наурызда сағат 16:45 шамасында Аманжол Бөлекбаев көшесіндегі үйдің ауласында болған.

"Mitsubishi көлігінің жүргізушісі дәл сол сәтте пандустан сырғанап түскен баланы қағып кетті. Салдарынан 10 жастағы бала түрлі дене жарақатын алып, ауруханаға жеткізілді", – деді Полиция департаментінің баспасөз қызметі өкілі.

Құқық қорғау органдары қазір бұл оқиға бойынша тексеріс жүргізіп жатыр.

Астана полициясы жүргізушілерді аула ішіндегі аумақта аса сақ болуға және жылдамдық режимін сақтауға шақырды.

Instagram парақшамызға жазылып, ең қызықты ақпараттарды бірінші болып оқыңыз!