Ауыр жарақаттан көз жұмған 44 жастағы ер адамның туыстары мәйіттік донорлыққа келісім берді.

5 күн бұрын бас-ми жарақатымен ауруханаға жедел жеткізілген ер адамға операция жасалған. Алайда жағдайы оңалмаған. Дүйсенбіде дәрігерлер консилиум өткізіп, «мидың өлімі» деген диагнозын қояды. Осыдан кейін марқұмның жақындары маңызды шешім қабылдап, мәйіттік трансплантацияға келісім береді. Осылайша 3 науқастың өмірін сақтап қалды. Павлодардың әуежайы уақытша жабық болғандықтан, донорлық ағзалар елордаға арнайы көлікпен жеткізілді. Жалпы облыс бойынша 200-ге тарта науқас, ел көлемінде 4 мың адам трансплантация кезегінде тұр.

Дмитрий Потеребух, Трансплантология жөнінен өңірлік үйлестіруші:

- Жүрек пен екі бүйректі ғана алу туралы шешім қабылданды. Атап өтерлігі жүрек кеше трансплантацияланды, ал бүгін екі бүйрек те ауыстырылып жатыр. Үш адам күту парағынан шығып, жаңа өмірге қадам басты.