Тәжікстан президенті Қазақстанның Сыртқы істер министрін қабылдады, деп хабарлайды 24kz.

Мұрат Нұртілеу Душанбе қаласына жұмыс сапарымен барып, Тәжікстан басшысына Президент Қасым-Жомарт Тоқаевтың жылы сәлемін жеткізді. Өз кезегінде Эмомали Рахмон қазақ-тәжік стратегиялық серіктестігі мен одақтастығын нығайтудың маңыздылығына тоқталды. Кездесудің маңызды нәтижесі ретінде президент Эмомали Рахмон ХХІ ғасырда Орталық Азияны дамыту мақсатындағы достық, тату көршілік және ынтымақтастық туралы шартқа қол қойды. Бұл қадам – өңірлік ынтымақтастық пен орнықты дамудың жаңа кезеңін ашатын тарихи меже. Шарт ережелерін іске асыру өзара тиімді, жан-жақты серіктестікті жандандыруға елеулі серпін береді деп күтілуде.