Жаңа оқу жылында Шымкентте екі жеке мектеп жабылды. Олардың лицензиясы кері қайтарылған. Ал тағы үш мектептің лицензиясы алты айға тоқтатылды, — деп хабарлайды Massaget.kz тілшісі OTYRAR сайтына сілтеме жасап.

Қала әкімінің орынбасары Сәрсен Құранбектің айтуынша, бұл шешімді Шымкент бойынша білім беру сапасын қамтамасыз ету департаменті жүргізген тексерістен кейін қабылдаған.

"Биылғы оқу жылында екі жеке мектептің жұмысы тоқтады. Олар – "Интеллект" жалпы білім беретін мектебі мен "Смарт" орта білім беру мектебі. Екі мектептің де лицензиясы толықтай қайтарылды. Бұдан бөлек, үш мектептің лицензиясы алты айға уақытша тоқтатылды. Олар – "Әлем", "Қазбілім" және "Сапар Примершкол". Қазір бұл мектептер жарты жылға лицензиясынан айырылды", – деді әкім орынбасары.

Ал лицензиясы уақытша тоқтатылған үш мектептің бірі – "Қазбілім Шымкент". Өз қызметін мүлде жалғастырмайтынын хабарлады. Дегенмен қалған екі мектеп ескертулерді уақытында түзесе, лицензияларын қайта ала алады.

Instagram парақшамызға жазылып, ең қызықты ақпараттарды бірінші болып оқыңыз!