Қазақстандық белгілі композитор әрі әнші Роза Әлқожа күйеуімен шаңырақ көтергеніне 25 жыл толуына орай үлкен той жасап, ел назарын аударды, деп хабарлайды Skifnews.kz ақпарат порталы.

Әнші мерейтойлық кештің әсерлі сәттерін Instagram парақшасында бөлісті. Бейнежазбаларда оның ақ көйлек пен фата киіп, жас келіншекше қонақтар алдына шыққаны байқалады. Сондай-ақ жолдасымен бірге торт кесіп, тәттісінен ауыз тиген сәті де көрініс тапқан.

Дегенмен бұл ерекше той желі қолданушылары арасында түрлі пікір туғызды. Бірі романтикалық қадамға сүйсінсе, енді бірі мұны артық шығын мен ерсі әрекет деп бағалаған.

«Қажетсіз ысырап», «Ата-бабамыз мұндай жасамаған», «Фата киіп алғаны түсініксіз, кезінде кимеген бе?» – деп сынағандар да болды.

«Түк мән-мағынасы жоқ», «Келін, немересі бар адамның ісі емес», «Жасына сай әрекет етпеді» деген пікірлер де жазылды.

Кейбір желі қолданушылары бұл қадамды «Қарақаттан қалғысы келмеген шығар» деп бағамдады.

Посмотреть эту публикацию в Instagram

Публикация от ӘЛҚОЖА РОЗА ӘБДІРАЗЗАҚҚЫЗЫ (@roza_alqozha)