Ресей президенті Владимир Путин Әзербайжан президенті Ильхам Әлиевпен кездесуде Ақтау маңындағы ұшақ апаты туралы айтты, — деп хабарлайды Massaget.kz тілшісі Minval-ға сілтеме жасап.

Екі мемлекет басшыларының кездесуі Душанбеде өтті, мұнда жақын арада "Орталық Азия — Ресей" саммиті өтеді. Ресей президенті келіссөзді ұшақ апатын талқылаудан бастауды ұсынған.

Басылым мәліметінше, Путин Әлиевке "осы қайғылы оқиға Ресей аспанында болғаны үшін кешірім сұрағанын" еске салған. Сондай-ақ, Ресей президенті ұшақ экипажына Махачкалаға қону ұсынылғанын айтты.

Путин AZAL ұшағы апатқа ұшырауына байланысты Ресей барлық шенеуніктің іс-әрекетіне құқықтық баға беретінін мәлімдеді.

Ақтаудағы ұшақ апаты туралы не белгілі?

Еске салайық, 2024 жылы 25 желтоқсанда Ақтау маңында Бакуден Грозныйға ұшып бара жатқан ұшақ апатқа ұшырады. Бұл — Azerbaijan Airlines әуе компаниясына тиесілі Embraer 190 ұшағы. Ұшақ бортында 67 адам, оның ішінде 5 экипаж мүшесі болған.

Instagram парақшамызға жазылып, ең қызықты ақпараттарды бірінші болып оқыңыз!