Бас қаладағы ботаникалық саябаққа Тораңғы талы егілді. Бұл қызыл кітапқа енген қасиетті өсімдік. Олар төзімдігімен ерекшеленеді. Тіпті төмен температураларда да тіршілік ете береді. Сондай-ақ, топырақты құнарландырып, эрозияның алдын алатын қасиетке ие. Тарихы да тым әріден басталады. Ғалымдар бұл тал Мұз дәуірінен бері бар дейді. Әзірше 50 түп көшет отырғызылды. Алда олардың санын көбейту жоспары бар.

Мирас Әбдірахманов, Астана қапласы, ішкі саясат басқармасы басшысының орынбасары:

Тораңғы ағашы ыстық пен суыққа қарамай өсе береді. Негізінен шөлді жерлерде өседі. Ағаштың ерекшелігі, тамыры суды 10-15 метр тереңдіктен алады. Бұл ағаш көп жерде өсе бермейді, маған айтқан бойынша осы Ресейде өседі, сосын бізде и Балқашта. Әлемде басқа жерде өспейді.

Астанада 11 мың түп ағаш егілді

Бұдан бөлек бүгін "Таза Қазақстан" жалпыұлттық экологиялық акциясы аясында Астанада 11 мыңнан астам ағаш егілді. Науқанға 150 мыңға жуық тұрғын атсалысты. Олар қаладағы гүлзарларды абаттандырып, қоршаған ортаны қоқыстан тазалады.