Әлемнің алтыншы ракеткасы Елена Рыбакина Эр-Риядта (Сауд Арабиясы) өтіп жатқан WTA қорытынды турниріндегі үшінші матчінде жеңіске жетті, — деп хабарлайды Massaget.kz тілшісі ҚТФ-ға сілтеме жасап.

Қазақстандық теннисші ресейлік Екатерина Александровадан 6:4, 6:4 есебімен басым түсті.

Топтық кезеңдегі кездесу 1 сағат 13 минутқа созылды. Осы уақыт ішінде Елена Рыбакина алты эйс жасап, екі қос қате жіберді және төрт брейк-пойнттың үшеуін пайдаланды.

Елена Рыбакина WTA Finals турнирінің жекелей сынында жартылай финалға шыққан Қазақстан тарихындағы алғашқы теннисші атанды. Оның жартылай финалдағы қарсыласы кейінірек анықталады.

Өзекті жаңалықтарды өз уақытында оқу үшін Facebook парақшамызға жазылыңыз!