Алматыда полиция айыппұл мен алимент төлемей жүрген азаматтарды іздестіріп жатыр, — деп хабарлайды Kznews.kz тілшісі Polisia.kz сайтына сілтеме жасап .

Алматыда 12-14 наурыз аралығында «Борышкер» жедел-профилактикалық іс-шарасы өткізіліп жатыр. Іс-шараны Алматы қалалық полиция департаменті мемлекеттік кірістер департаментімен және жеке сот орындаушыларының өңірлік палатасының қызметкерлерімен бірлесіп ұйымдастырды.

Іс-шараның негізгі мақсаттары:

• Салық бойынша өтелмеген, төленбеген айыппұлдары, алименттері бар адамдарды анықтау.
• Көлік құралын басқару құқығынан айырыла тұра көлік тізгіндеген жүргізушілерді анықтау.
• Жалған тіркеу нөмірлері бар көліктерді пайдалануды болдырмау.
• Сот қаулысымен және сот орындаушыларымен шектеу қойылған көліктерді анықтау.