Маңғыстаулықтар жылдағы дәстүр бойвнша Амал мерекесін тойлау үшін "Адай ата-Отпан тау" тарихи-мәдени кешенінде бас қосты, деп жазады inbusiness.kz сайты otpannews.kz порталына сілтеме жасап.

Биыл бірлік отын Қосай ата ұрпақтары Тәзіке ата ұрпақтарына табыстады. Ақын, Алаш сыйлығының иегері Сабыр Адай ұлттық-рухани іс-шараның маңызы туралы пікірін айтып, Отпантау идеясын 2004 жылы ұсынғанын жеткізді.

58 киіз үй тігіліп, он мыңнан астам адам жиналды.Театрландырылған көрініс көрсетіліп, "Бірлік оты" жағылды.

Мереке аясында "Амалдың ақ таңы" атты облыстық суретшілер пленэрі өтуде.

Әзербайжан, Түркия, Өзбекстан мен Түрікменстан елдерінен дәстүрлі әншілері келіп, өнер көрсетуде.