Айтыскер ақын әрі коуч Айнұр Тұрсынбаеваның әнші Қайрат Нұртас туралы айтқан видеосы әлеуметтік желіде тарады, деп хабарлайды Sn.kz ақпарат порталы.
Ол Қайрат Нұртастың жанкүйерлері әншіге әрдайым жанашырлық танытатынын айтып, бұған өз басынан өткен жағдайды мысал етті.
Айнұр Тұрсынбаеваның сөзінше, кезінде ән байқауында Қайрат Нұртасқа сын айтқаны үшін көпшіліктің наразылығына тап болған.
«Ән байқауында Қайратқа тиісемін деп өмірімде естімеген қарғысты естіп, біраз адамға жексұрын болдым. Айтайын дегенім – Жамбыл менің өз атым, халық менің шын атым. Яғни Қайрат – халық мойындаған әнші. Қайратқа қарсы шығу – халыққа қарсы шығу. Оған сын айту – халыққа сын айтумен бірдей екен», – деді ол.
Айтыскер сол кезде Қайрат Нұртасқа байқау талабын орындамағаны үшін ренішпен сөйлегенін түсіндірді.
«Бірақ Қайрат көп от пен судан аман келе жатқан бала. Әйтпесе “Қайратты тек дала қазақтары ғана тыңдайды” деген пікір де шыққан», – деді Айнұр Тұрсынбаева.
Дереккөз: Skif News · Назым Сапар
