Хюррем Сұлтан Ыстанбұлдағы бір қонақүйде «Ғажайып ғасыр» телехикасын көріп жатқан көршісінің есігін қақты, деп хабарлайды Kursiv.Media.
Аталған танымал түрік сериалында Хюррем Сұлтанның рөлін сомдаған Мерьем Узерли Түркияның ең үлкен қаласындағы қонақүйлердің біріне тоқтаған.
Бір кезде актриса көрші бөлмеден таныс дыбыстарды естиді.
«Сізге қалай естілетінін білмедім. Бірақ менің көршім «Ғажайып ғасыр» телехикасын көріп жатқан сияқты. Бұл қызық екен!», – деп актриса қабырғаға құлағын тосты.
Мерьем әзілдеп, оқырмандарына: «Есігін қағып кірейін бе?», – деп сұрайды.
Артынша көршісінің есігін қағады. Есік ашылғанда, бөлмедегі қонақтың алдында сүйікті сериалындағы кейіпкер Хюррем Сұлтанның өзі – Мерьем Узерли тұрғанын көреді.
Мұны мүлде күтпеген қонақ әйел қатты таңырқап, ерекше реакция білдіреді.
«Мен бұл телехикаяны 14 рет қайталап көрген шығармын. Мұндай қонаққа қыз қатты қуанғанына күмәнім жоқ», – деп жазды оқырмандардың бірі.
Айта кететін жайт, Сүлейман Сұлтан рөлін сомдаған Халит Эргенч борщты орыстың асы дегені үшін украиндерге жақпай қалған еді.
Дереккөз: Курсив · Шадияр Өстемір
