Алматыда жоғары оқу орындарының бірінің проректоры сыбайлас жемқорлық күдігімен ұсталды. Бұл ақпаратты NUR.KZ тілшісіне қалалық прокуратура хабарлады.
Прокуратура NUR.KZ-тің ресми сауалына берген жауабында ҚР Бас прокуратурасының ведомствоаралық жедел-тергеу тобы К. және басқа да тұлғаларға қатысты бірқатар сыбайлас жемқорлық қылмыстық құқық бұзушылық жасады деген күдікпен қылмыстық істі тергеп жатқанын мәлімдеді.
"Алматы қаласының мамандандырылған ауданаралық тергеу сотының санкциясымен аталған қылмыстық іс бойынша фигуранттарға қатысты қамауда ұстау түріндегі бұлтартпау шарасы қолданылды", – деп мәлім етті қадағалаушы орган.
Істің басқа мән-жайлары жария етілмейді.
Мәтіннен қате тапсаңыз, бізге жазыңыз
Дереккөз: Nur.kz · Гүлмира Ерубаева
