Көкшетауда маршруттық автобус пен жүк көлігі соқтығысты. Зардап шеккендер бар. Аталған факті бойынша тексеру жүргізілуде, деп хабарлайды Ақмола облысы ПД-ға сілтеме жасаған KAZ.NUR.KZ
Ведомство баспасөз қызметі хабарлағандай, 21 қыркүйекте сағат 10:40 шамасында Көкшетауда Застанционный көпірі (Шанхай) ауданында №11 "Yutong" маркалы маршруттық автобус пен "ЗИЛ" жүк көлігі соқтығысқан.
"Жол апаты салдарынан қоғамдық көліктің екі жүргізушісі мен бір жолаушысы жеңіл дене жарақатымен медициналық мекемеге жеткізілді, медициналық көмек көрсетілгеннен кейін үйлеріне жіберілді", – деп мәлімдеді Ақмола облысы ПД.
Аталған факті бойынша тексеру жүргізілуде, оның нәтижесі бойынша кінәлі тұлғаға қатысты әкімшілік тәртіпте тиісті шаралар қабылданатын болады.
Мәтіннен қате тапсаңыз,бізге жазыңыз
Дереккөз: Nur.kz · Айтолқын Адырбай
