Актёр, әзілкеш Қайрат Әділгерей "Сырласу бағдарламасында" бала тәрбиесіне тоқталып, оқуға жіберген ұлына қатысты өкінішін айтты, деп хабарлайды Skifnews.kz ақпарат порталы.

«Баламды Америкаға ұшырып, шығарып салған кезде кеудеме өксік толып, мені өкініш биледі. Шешесі екеуіміз далада бақырып жылап жүрміз. Сонда бала бүлініп кетеді-ау, шалыс басады-ау деген қорқыныш болған жоқ. Ер бала болғаннан кейін өмірге өзі бейімделуі керек қой… Баланың маған дегенде көңілі тоқ болып, кетіп бара жатыр ма? Міне, мәселе қайда. Ойланып отырсам, әкесі бола тұра баламмен бірге уақыт өткізген кездерім есіме түспейді екен. Бала қайда барады?!» – деді ол.

Әзілкеш осы оқиғадан кейін бірден әлеуметтік желіге шығып, өз ойын бөліскен екен.

«Сол кезде «өкініп қалмаңыздар» деген едім. Біз әке тәрбиесі дегенде, нақыл сөз айтып, тәлім-тәрбие беру керек деп ойлаймыз. Жоқ, балаңмен ойнаудың өзі жетіп жатыр. Ешқандай тәрбие бермей-ақ, тек уақыт бөлші», – деді әртіс.

Посмотреть эту публикацию в Instagram

Публикация от Жетінші арна | 7 канал (@tv7_kz)