Алматы облысында Ұзынқарғалы өзенінің жағалауы қоқыстан тазартылды, деп хабарлайды 24KZ. «Таза жағажай – таза өзен» акциясына жүзге жуық белсенді атсалысты.

Олар пластик, шыны, тамақ қалдықтары сияқты үш тоннадан астам қоқыс жинады. Оны тракторға тиеп, арнайы орынға апарып төкті. Экологиялық шараға жастар, еріктілер мен қоғамдық ұйым өкілдері қатысты.

Қуаныш Батырбаев, Қарғалы ауылдық округі әкімінің орынбасары:

- Бүгінгі тазалайтын Ұзынқарғалы өзенінің бойы 6 шақырым. Ашық, табиғи демалыс орны болғаннан кейін, өзеннің жағасы болғаннан кейін келушілер көп. Қаладан да келеді. Ол кісілердің барлықтарын мен тазалыққа шақырамын. Жалпы өзіміздің жерімізді таза ұстауға, табиғатымызды аяулауға шақырамын.