Алматы әуежайының ішкі терминалында қызметкерді пышақпен қорқытқан ер адамның ұсталған сәтінен видео тарады, деп хабарлайды KAZ.NUR.KZ тілшісі.

Instagram желісіндегі kris_p_almata парақшасында жарияланған кадрлардан пышақ ұстаған ер адамның өзіне жақын тұрған адамның қолын ұстап, сөйлеп тұрғанын байқауға болады. Сәлден кейін күдікті бейқам тұрған сәтте ер адам одан пышақты тез тартып алған, содан соң полиция қызметкері мен басқа да адамдар құқық бұзушыны ұстады.

Еске сала кетейік, бүгін Алматы әуежайында ер адам қызметкерді шашынан ұстап, пышақпен қорқытқаны хабарланған болатын. 7 минуттан кейін ер адамды полиция қызметкерлері қарусыздандырды.