Қазақстан құрамасының шабуылшысы Әлияр Мұхамед Беларусь құрамасына қарсы өтетін жолдастық кездесуге қатысты пікір білдірді, — деп хабарлайды Massaget.kz тілшісі.

Ол ұлттық құрамадан шақырту алғанын қалай қабылдағанын айтты.

"Маған ұлттық құраманың әкімшісінен хабарлама келді. Бұл – мен үшін үлкен жауапкершілік, алда болатын матчтарға бар күшімді салуға дайынмын", — деді ол.

Оған қоса футболшы Беларусь құрамасына қатысты пікір білдірді.

"Беларусь – физикалық тұрғыдан мықты команда, бірақ біз дайынбыз. Жақсы ойын болады деп үміттенемін", — деді ол.

Айта кетейік, бүгін футболдан Қазақстан құрамасы Беларусь құрамасымен жолдастық кездесу өткізеді.

Бастапқыда Беларусь астанасы Минскіде жоспарланған кездесу бүгін Борисов қаласында өтеді. Кездесу Қазақстан уақытымен 22:00-де басталады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!