Бесінші баласына аяғы ауыр танымал актриса Жұлдыз Әбдукәрімова өзінің жеке киімдерін сатылымға шығарды. Ол гардеробындағы сәнді көйлектерін жаппай сататынын айтып, елге жар салды, деп хабарлайлы Skifnews.kz ақпарат агенттігі.

Сәнді көйлектері жайлы ол Instagram желісіндегі жаңа парақшасында хабарлады.

Әлеуметтік желідегі видеожазбасында Жұлдыз Әбдукәрімова оқырмандарынан үнемі келетін өтініштерден кейін киюге келмей қалған киімдерін сатуға бел буғанын айтты.

«Қыз-келіншектер, мұқият болыңыздар! Сатылым басталды. Жүкті болған соң, бұрынғы киімдерім енді маған сыймайды. Сондықтан көпшіліктің сұранысымен көйлектерімнің бәрін сатылымға шығардым», – деп жазды көпбалалы ана.

Айтуынша, әр көйлектің өзіндік мәні бар. Актриса күнделікті киімдерді емес, думанды кештерге, тойға арнайы тігілген сәнді көйлектерін де сатып жібермек. Киімдердің ең арзаны 100 мың теңгеден басталса, бағалысы, қолдан тігілген эксклюзив көйлек 600 мың теңге тұрады.

Босануға күні таяған сәтте де сауданы қыздырған Жұлдыз арнайы парақша ашып тастаған.