Үкімет басшысы Олжас Бектенов Жамбыл облысында Jibek Joly арнайы экономикалық аймағына барып, ауқымды инвестициялық жобалармен танысты, деп хабарлайды 24kz.

Мұнда барлығы 18 қатысушы тіркелген. Химия, өңдеу өнеркәсібі, машина жасау, металлургия саласын қамтитын жобалар бар. Премьер-министр бірқатар зауыттың құрылысымен танысты. Соның бірі – еліміздегі ең ірі металлургия зауыты. Қытайлық компанияның қатысуымен жүзеге асып жатқан жобаның құны $1 млрд доллардан асады. Жобаны толық инвестор қаржыландырып жатыр. Кәсіпорын арматура, созба сымдар, болат сынды тауарлар шығарады. Сонымен қатар Үкімет басшысы жүгеріні терең өңдейтін зауытқа да барды. Бұл жобаның құны 800 млн доллар. Өндірістік қуаттылығы жылына 1 млн тонна жүгері. Алда 3 млн тоннаға дейін ұлғайту жоспарда бар. Олжас Бектенов бұл жобаны жүзеге асыру қайта өңдеу деңгейін арттыруға, экспорттық әлеуетті дамытуға мүмкіндік беретінін атап өтті.

Айта кетейік, былтыр өңірге 506 млрд теңге инвестиция салынған. Биыл 9 жоба салып, көрсеткішті 850 млрд теңгеге дейін арттыру жоспарланып отыр.