АҚШ Президенті Дональд Трамп пен Украина басшысы Владимир Зеленский бүгін Гаагада өтіп жатқан НАТО саммиті аясында кездесуі мүмкін, деп хабарлайды 24kz.

Америкалық Politico басылымының дерегіне сүйенсек, Зеленский Солтүстік атлантикалық альянсқа мүше елдер басшыларының жиынына қатыспайды, тек қонақ ретінде шақырылған. Өткен аптада Ақ үй қожайыны Канададағы «Үлкен жетілік» саммитіне толық қатыспай, Украина президентімен кездесе алмаған еді. Осыған дейін қос мемлекет басшысы сәуірде Ватиканда Рим папасы Францискті жерлеу рәсімінде жолыққан болатын.

Айта кетейік, бүгін НАТО саммитінде қорғаныс саласының шығынын 2035 жылға қарай жалпы ішкі өнімнің 5%-іне дейін жеткізу мәселесі талқыланады.