Бұған дейін бірен-саран жағдайлар тіркелген Атбасар ауданында кешенді дезинфекциялық жұмыстар толық аяқталған.

Ауыл шаруашылығы министрлігінің Ветеринариялық бақылау және қадағалау комитеті әлеуметтік желіде Астана базарларына сібір жарасы ауруына шалдыққан мал етінің жеткізілгені туралы тараған ақпараттың шындыққа жанаспайтынын хабарлады.

"Мессенджерлер мен әлеуметтік желілерде Астана қаласы "Әлем" сауда орнына сібір жарасы ауруына шалдыққан мал етінің жеткізілгені туралы тараған ақпарат шындыққа жанаспайды. Бүгінгі күнге дейін елордадағы сауда орталықтарында, соның ішінде "Әлем" сауда орнында жұқпалы ет өнімінің сатылуы немесе жеткізілуі туралы ешқандай факт тіркелген жоқ. Барлық жеткізілген ет өнімдері міндетті ветеринарлық-санитарлық тексеруден өтеді. Сондықтан тұрғындардың алаңдауына еш негіз жоқ", – делінген Ветеринариялық бақылау және қадағалау комитетінің хабарламасында.

Бұған дейін бірен-саран жағдайлар тіркелген Атбасар ауданында кешенді дезинфекциялық жұмыстар толық аяқталды. Қауіпті ет өнімдері белгіленген санитарлық тәртіппен жойылды. Тұрғындар медициналық тексеруден өтіп жатыр.

Комитет мамандары азаматтарды тек ресми дереккөздерге, яғни, Ауыл шаруашылығы министрлігі мен Ветеринариялық бақылау және қадағалау комитетінің ақпараттарына сенуге шақырып, жалған ақпарат тарату Қазақстан Республикасы заңнамасына сәйкес жауапкершілікке әкелетінін ескертті.

Оқи отырыңыз:

• Алматыда демалыс күндері ауыл шаруашылығы жәрмеңкесі қайда өтеді?
• Үкімет ауыл шаруашылығын қаржыландыру үшін 580 миллиард теңге бөлді