Мемлекет басшысы «Орталық Азия — Ресей» форматындағы алғашқы ректорлар форумын Қазақстанда өткізуді ұсынды.

Бұған қоса "Цифрлық кітапхана» бірлескен білім беру онлайн-платформасын ашудың маңыздылығына да тоқталды. Мұнда университеттеріміздің курстары мен дәрістері, архивтері қолжетімді болуға тиіс, деді Қасым-Жомарт Тоқаев. Айталық, бүгінде Қазақстанның 60 университеті Ресейдің 50 жоғары оқу орнымен ынтымақтастық орнатқан. Ал 60 мыңнан аса қазақстандық студент солтүстіктегі көршілерімізде білім алады. Бұл қос елдің әлеуметтік қатынасына қарқын қосатыны белгілі. Ел президенті бізде Ресейдің жетекші оқу орындарының 9 филиалы жұмыс істейтіндігіне ерекше тоқталды.