Аягөз қалалық ауруханасындағы жансақтау бөлімінің құрылысы аяқталды. Қосымша магнитті-резонансты томограф орнатылады. Аудан тұрғындары енді облыс орталығына сабылмайды. Жансақтау бөлімінде бес дәрігер жұмыс істейді.

Ауыр науқасқа медициналық көмек көрсетуге қажетті барлық жабдық бар. Жалпы ауылдың денсаулық сақтау саласын жаңғыртуға бағытталған ұлттық бағдарламаны жүзеге асыру үшін Абай облысына 5,5 млрд теңге бөлінді. Оның бір бөлігі Аягөз ауданына жұмсалды. Жеті елді мекенде медициналық бекет пен амбулатория бой көтерді.

Шалқар Омаров, Аягөз аудандық ауруханасының бас дәрігері:

- Жансақтау, қарқынды емдеу бөлімі керекті құралдармен толықтай жабдықталған. Қолдан тыныс алдыру аппараты мен төсек-жабдықтары, фибробранхоскоп аппаратымен толықтай қамтамасыз етілген.