Астанада жаңа саябақ ашылып, халық игілігіне пайдалануға берілді. Қалдаяқов көшесінде орналасқан демалыс орны бір гектар аумақты қамтиды. Онда футбол, баскетбол, воркоут алаңдары мен балалар ойын алаңқайы бар. Қосымша 400-ге жуық көшет отырғызылды.

Бұған дейін бос жатқан аумаққа көпқабатты тұрғын үй кешені салынады деп жоспарланған. Алайда жергілікті тұрғындар оған келіспей, әкімдіктен саябақ салып беруді талап етті.

Гүлмира Дінисламова, қала тұрғыны:

- Бұл жерде кішкентай балаларға ойын алаңы бар. Үлкен егде адамдар отыратын скамейкалар қойылған. Ағаштар көп болған соң ауа да таза болады. Көктемде гүл егеміз деп жатырмыз. Өте керемет. Қуаныштымын.