Мұндай бастаманы Қырғызстан көтерген болатын.

ЮНЕСКО Бас конференциясының 43-сессиясында 22 қыркүйекті Көшпелілер мұрасының халықаралық күні деп жариялау туралы қарар қабылданды. Бұл туралы 24.kg Қырғызстанның ЮНЕСКО істері бойынша ұлттық комиссиясына сілтеме жасап хабарлады.

Қарардың мақсаты – көшпелі өмір салтының мәдени, тарихи және әлеуметтік маңызын, сондай-ақ оның әлемдік мәдени әртүрлілік пен тұрақты дамуға қосқан үлесін жаһандық деңгейде мойындату.

"ЮНЕСКО Бас конференциясында құжатты Қырғыз Республикасының мәдениет, ақпарат және жастар саясаты министрі Мирбек Мамбеталиев таныстырды. Оның айтуынша, ЮНЕСКО деңгейінде мойындалуы көшпелі мұраны насихаттауда және оны зерттеу мен келешек ұрпаққа жеткізуге бағытталған жобаларды қолдауда маңызды қадам болмақ", – деп жазды басылым.

Сарапшылардың пікірінше, Көшпелілер мұрасының халықаралық күннің белгіленуі Қырғызстанның көшпелі мәдениетті сақтаушы ел ретіндегі халықаралық беделін арттырып, мәдени дипломатия мен этнотуризмді дамытуға жаңа мүмкіндіктер ашады. Сондай-ақ дәстүрлерді, қолөнерді және материалдық емес мұраны, соның ішінде "Манас" эпосы мен көшпенділер ойындарын сақтау мәселесіне назар аударуға мүмкіндік береді.

Оқи отырыңыз:

• Қырғызстанда Ыстықкөл түбінен орта ғасырдағы мұсылман қорымы табылды
• Қырғызстанда 2028 жыл Шыңғыс Айтматов жылы деп жарияланды