0:00:00

Жаңалықтарды Telegram арнамыздан оқыңыз !

Бұл жамбылдық жауынгер қыз Мадина Анарбаева. Ол автоматты 8 секундта шашып, жинайды. Әулиеата өңіріндегі әскери қызметтегі әйелдер арасында жеке рекорд иесі. 20 жастағы сарбаз бір жарым жыл бұрын 63-563 әскери бөліміне келісім шарт негізінде жұмысқа қабылданған. Содан бері үздік жауынгерден үлгілі қызметкерге айналды. Ол құжаттармен жұмыс жүргізуден бөлек, сапта жүруде мақтаулы маман. Жастар арасындағы «Айбын» әскери-патриоттық сайысының бас жүлдегері. Алда Жеңіс күніне байланысты Астана қаласындағы ауқымды парадқа қатыспақ. Сондықтан қазір әріптестерімен бірге дайындық деңгейін пысықтап жатыр.

Мадина Анарбаева, әскери бөлімінің аға маманы:

Біз тек қана қаламмен ғана отырып, штабта жұмыс істемейміз. Біз қыздар да шығып, шап десе атпен шабамыз, айда десе «Камазды» айдайды. Біздің қыздардың барлығы да әрдайым жауынгерлік дайындықта. Армия деген тек қана армияға барып, борышын өтеп келу емес, бұл — әскери бөлімге халыққа қызмет атқару, Қазақстанның әскери саласына үлес қосу.

Данияр Әлімқұл