TikTok ата-аналардың бақылау жүйесін жетілдіріп, жасөспірімдер үшін қауіпсіз онлайн кеңістік құру мақсатында жаңа мүмкіндіктерді іске қосты.

Бұл жайында Мәдениет және ақпарат министрі Аида Балаева өзінің әлеуметтік желідегі парақшасында жазды. Атап айтқанда, енді ата-аналар балаларын TikTok-тан белгілі бір уақытқа шектей алады. Яғни, түнгі уақытта қосымшаны бұғаттап тастауға болады. Тағы жасөспірімдердің TikTok-тағы белсенділігі, жазылымдары мен бұғаттаған қолданушылары туралы толық ақпарат ала алады. Сонымен қатар балаларының TikTok-та кімдерді бақылап отыратынын және олардың аккаунтына кімдер жазылғанын көре алады. Бұдан бөлек, жасөспірімдерге қауымдастық ережелеріне сәйкес келмейтін контент туралы ата-аналарына хабарлау мүмкіндігін қосу да жоспарланып отыр.