Ресейдің Норильск қаласында қалың қар түсіп, боран күшейді , деп хабарлайды 24kz.

Табиғаттың тосын мінезі көлік қозғалысын шектеп, әуе рейстерінің кешігуіне себеп болды. Білім беру ұйымдары уақытша жабылды. Ауа райының қолайсыздығынан жаяу жүргіншілер мен көлік жүргізушілері әбігерге түсті. Өйткені қарлы боранның салдарынан 5 метрден әрі қарай ештеңе көрінбейді. Синоптиктер дауыл бірнеше күнге созылуы мүмкін дейді. Сондай-ақ қар көшкіні жүру қаупі барын ескертті. Сол себепті билік тұрғындарға аса қажеттілік болмаса тысқа шықпауға кеңес берді.