0:00:00

Жаңалықтарды Telegram арнамыздан оқыңыз!

Өзбекстанда киберқылмыс өршіп тұр. Тұрғындардың жеке мәліметіне заңсыз қол сұғып, карталарынан ақша алып келген ірі қылмыстық топ құрықталды. Олар тіпті жалған «Call орталықтар» ашқан.

Жалдамалы пәтерге бірнеше компьютер қойып, кәдуілгі кеңсеге айналдырған. 20-ға тарта адам оператор қызметін атқарып, азаматтарға телефон соғып, есеп шоттарындағы қаржыны алаяқтық жолмен иемденген. Кейбірі Ресейдегі криминалды топтармен бірлесе әрекет еткен. Бір кездері желілік маркетингтен өнім алған адамдардың жеке дерегіне қол жеткізу үшін өздерін құзырлы орган өкілі деп таныстырады. Алынған дәрінің жасанды екенін айтып, шығынды өтеуге уәде беріп, сенімге кірген. Қылмыстық топ мұндай тәсілдің бірнеше түрін қолданып, халықтың ақшасын оп-оңай иемденіп келген.

Жахонгир Садуллаев, Ташкент қалалық ІІБ бөлім басшысының орынбасары:

Айғақ зат ретінде пластик карталар, 15 мыңнан астам тұрғынның жеке деректері басылған қағаздар алынды. Қазір күдіктілер қамауда, оларға қарсы бірнеше бап бойынша қылмыстық іс қозғалды.