Дональд Трамп Джо Байденнің балаларына тиесілі мемлекеттік күзетті алып тастады, деп хабарлайды 24kz.

Ақ үйдің бұрынғы басшысының ұлы мен қызын қорғаумен АҚШ-тың құпия қызметінің 30-дан аса қызметкері айналысқан екен. Әдетте мұндай қызметті президент пен оның отбасы мүшелері пайдаланады. Ал биліктен кеткеннен кейін тек экс-басшы мен оның әйелі өмір бойына қорғауда болады. Жасы 16-дан асқан балалары ондай мүмкіндіктен айырылады. Бірақ мерзімі аяқталар алдында Джо Байден ересек балалары үшін мемлекеттік күзетті 6 айға, демек биыл шілдеге дейін ұзарту туралы жарлыққа қол қойып кеткен. Бірақ ең қызығы, Дональд Трамп та президенттігінің бірінші мерзімінде дәл солай жасаған еді.