Түркияда арнайы операция кезінде Стамбұл мэрі Экрем Имамоглу мен оның кеңесшісі Мурат Онгун ұсталып, сотқа жеткізілді. Іс бойынша барлығы 100 күдікті бар.

РИА Новости-дің Түркияның Sabah басылымына сілтеме жасап жазуынша, құқық қорғау органдарының қызметкерлері қалада ауқымды операция бастап, оппозиция өкілі, Стамбұл мэрі Экрем Имамоглуды ұстауға ордер берген.

"Стамбұлда жемқорлыққа қарсы ауқымды операция басталды. Оның аясында қала мэрі Экрем Имамоглу мен оның БАҚ-пен байланысты кеңесшісі Мурат Онгунды ұстауға ордер берілді", — деп жазған басылым.

Басылымның мәліметінше, CNN Turk қала мэрін тұтқындауға не себеп болғанын жазған. себебін атады.

"Оппозиция өкілі, Стамбұл мэрі Экрем Имамоглу сыбайлас жемқорлықпен, парақорлықпен және параға сатып алумен айналысқан ұйымға қатысты ісі бойынша ұсталған. Имамоглудың үйінде тінту шаралары жүргізіліп, оны полиция қызметкерлері сот ғимаратына жеткізді", — деп мәлім еткен телеарна.

Сонымен қатар қалалық прокуратура сыбайлас жемқорлық, парақорлық және алаяқтық бойынша күдікке ілінген 100 адамды бір уақытта ұстауға, қамауға алу және тінту шараларын жүргізуге бұйрық берілгенін мәлімдеген.

ТАСС-тың мәліметінше, осы аптада Стамбұл университеті заң бұзушылықтардың табылуына байланысты Имамоглудың жоғары білімі туралы дипломын жарамсыз деп таныған. Бұған дейін қаланың Бас прокуратурасы дипломның легитимділігін тексеруді талап еткен еді.

Айта кетейік, Стамбұл мэрі оппозициялық республикалық Халық партиясының атынан праймеризге президенттік сайлауға қатысатын жалғыз үміткер

Айта кетейік, Стамбұл мэрі президенттік сайлауға түсу үшін оппозициялық республикалық Халық партиясының атынан праймеризге қатысатын жалғыз үміткер. Ол сайлауға билік партиясынан қатысатын болашақ кандидаттың басты қарсыласы саналады.