Ұлттық спорт күні Бейжіңде де аталып өтті, деп хабарлайды 24kz.

Наурызнаманың жетінші күніне Қытайдағы елшілік қызметкерлері арнайы жарыс ұйымдастырды. Оған 50-ге тарта жеткіншек пен ата аналар қатысты. Олар асық атып, арқан тартудан өзара сайысқа түсті. Дені сол елде еңбек етіп жүрген дипломаттардың балалары. Сонымен қатар «Балдырған» балаларды дамыту орталығының тәрбиеленушілері атсалысты. Шартқа сай ойынға тек ұлттық киім киген адам ғана қатыса алады. «Өскелең ұрпақ ұлттық ойындар арқылы халқымыздың салт-дәстүрлерін танып, біліп өсуіне ықпал етеді», - дейді ұйымдастырушылар.

Аянат Шерхан, оқушы:

- Бүгін өте маңызды күн. Наурыз мерекесін біз ерекше күтеміз. Біз достарымызбен қазақы киімдерімізді киіп шығып, ойындар ойнадық. Ұлдар мен қыздар болып жарысқа түстік. Өте қызық болды.

Еңлік Кәукербекова, ата-ана:

- Біз үшін ол өте маңызды шетелде жүргеннен кейін. Қазір Пекин қаласында осы балаларымызға әртүрлі өзіміздің қазақы киімдерін кигізіп, сәукеле, камзол, әртүрлі әшекейлерімізді тағып, балаларымызбен шығып қазақтың салт-дәстүрін дәріптеп атап өтудеміз.