0:00:00

Жаңалықтарды Telegram арнамыздан оқыңыз !

Наурыз-маусым аралығында 20 мың азамат көктемгі әскерге шақыртылады. Қорғаныс министрлігінің дерегінше, болашақ сарбаздар биыл әскери коммесариатқа СМС хабарлама арқылы шақыртылады. Ал медициналық іріктеуден толық өткендерге жеңілдіктер ұсынылады. Мысалы несиелері барлардың төлем уақыты автоматты түрде шегеріледі. Әскерде жүріп кәсіптік білім алуға да болады. Ал міндетін өтеп келген соң белгілі мамандықтар бойынша грантқа оқуға түсе алады. Қазіргі уақытта 17 жасқа толған ер азаматтардың ақпараттық базасы құрылған. Отан алдындағы борышын өтеуден жалтарғандармен Ішкі істер министрлігі жұмыс істейді.

Фархат Айдарбаев, ҚР Қарулы күштері Бас штабы ұйымдастыру-жұмылдыру жұмыстары Департаменті бастығының орынбасары:

Ол бала оқып жатыр ма, денсаулығында ақау бар ма? Немесе ол әскерге шақырылуға тиісті ме? Немесе ол қандай да бір отбасылық жағдайға байланысты әскерден босатылған ба? Ол туралы бүкіл мәліметтер болады ішкі істер органдарының қолдарында. Соған байланысты азаматымыз әскерден жалтарып, келмей жүрген жағдай болатын болса, ішкі істер органдары өздерінің құзырындағы құқығымен әкелуге тиісті.

Оңғар Алпысбай