Елде көктемгі әскерге шақыру науқаны жүріп жатыр, деп хабарлайды 24kz.

Маусым айының 30-ына дейін 21 мыңға жуық азамат еліміздің күштік құрылымдарына қабылданып, Отан алдындағы борыштарын өтейді. Мысалы, шекара қызметіне 2500 адам, Ұлттық ұланға 7054, Қарулы күштер қатарын 10598 азамат толықтырады. Ал Мемлекеттік күзет қызметіне 290, Төтенше жағдайлар министрлігіне 391 сарбаз қабылданады.

Сәкен Жүсіпов, ҚР Қарулы күштері бас штабы бастығының орынбасары:

- Қорғаныс министрлігі әскерде құқықтық тәртіптің сақталуына, әскери қызметшілердің өмірі мен денсаулығын сақтауға бағытталған шаралар жүйесін жасады. Әрбір сарбаздың өмірі бақылауда болады. Оған сарбаздар аналар комитеті тартылды.